Fəalların COP29-da növbəti insan hüquqlarını müdafiə aksiyası

Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.

Etirazçılar öz çıxışlarında insanların öz hüquqlarını həyata keçirdiklərinə görə təqib olunduqlarını, insanların istismar edildiyini vurğulayıblar.

Fəallar beynəlxalq ictimaiyyəti avtokratik rejimlər və böyük korporasiyalar tərəfindən insanların təqibinə, insan hüquqlarının qanunsuz şəkildə pozulmasına, əməyin istismarına biganə qalmamağa çağırıblar.